常嚐食•深燒堂 (已結業)

等朋友开完OT放工，已经十点几，朋友叫我去附近街揾吓边间好食，又冇限时间嘅餐厅可以坐住等，于是周围行吓睇吓，路过呢间位于旺角花园街（近广华医院）嘅烧物店「常尝食。深烧堂」，俾佢门囗啲食物相介绍吸引住，见价钱亦合理适中，我自己又钟意食串烧，侍应也表示可以食到零晨两点，于是我就二话不说入咗去坐，边食边等朋友！非常吸睛的食物相！疫情之下，已经很少见到深夜十点几，餐厅仍不断有客人入嚟食宵夜，座无虚席！同佢餐厅名「深烧堂」非常贴题！舖面放满新鲜嘅食材，d茄子好大条呀！值得推介「花甲粉」系呢度必叫嘅名物，「粉底」有粉丝、红薯粉同稻庭乌冬选择，每碗已有十几只花甲，自己再配搭喜欢的𩠌菜，我哋拣左金菇、海带结同猪红，然后剔选自己适合的辣度（共六级选择）！（$75）食材方面，花甲非常厚肉鲜甜，猪红好滑口，配埋少少辣度，十分惹味！日本明太子酿鸡翼（$48，两只），烧得好到位，外脆内暖，入面嘅明太子酱亦很浓厚！烧越南海鲜酿蟹盖（$38），蟹肉足料，配少少柠檬汁，更能带出蟹肉嘅鲜味！酸酸甜甜烧菠萝（$25），菠萝现成直切直烧，甜度十足，多汁冇渣！