滿江紅小甜甜 (已結業)

今日收工同女朋友系旺角朗豪坊行街，行到咁上下肚饿，想食川菜，记起朋友之前介绍过既呢间野。我地坐底叫左川北凉粉、麻婆豆腐、麻辣鸡煲。川北凉粉系我女朋友食川菜必叫菜式，一个好食既凉粉系一间川菜馆既指标，基本上唔好食既凉粉，我地系无再去过。今次既凉粉系中上水平，凉粉配爽脆青瓜，辣椒够辣够香，凉粉咬口唔错。麻婆豆腐虽然油左少少，不过食落都够味，但系都唔够正宗。最后就系麻辣鸡煲，呢个就真系好一般，鸡肉肉质一般，就算叫左大辣都觉得唔够味，所以真系价钱和质素成为正比。想食鸡煲都真系要去鸡煲专门店啦！