御石燒 (已結業)

午饭时间，旺角周围都人山人海，一个人想慢慢食个lunch，行远少少到广华街绝对系一个好选择，今日就揾到呢间抵食石烧牛餐厅。餐厅主打石烧牛，但午饭时间亦有丼饭及定食，既然一场黎到，就梗系要试佢地嘅石烧牛啦。御烧特级牛小排 :落单无耐食物就到了，枱上有烧肉教学，先用牛脂肪令石板上有充足嘅油，之后攞走牛脂就可以开始烧了。个人喜欢原汁原味，牛小排就最啱我。牛小排纹理清晰，油脂分布平均，两边各煎几十秒就食得，入口牛味香浓，肉汁四溢，配上特制烧肉汁，味道甜甜地更加惹味。虽然可以加钱转紫菜味素饭，但个人更喜欢白饭，无其他味道下可以吸收晒牛肉肉汁，食落更满足。