影片
更多
2023-11-03
631 浏览
自己一个人去旺角唔知食乜好，我通常都会揾间米线舖自己搞掂，贵香园都系长期Keep住好多人，等咗一阵先有位～酸辣米线就好多人食🍲但我钟意食捞面多啲，叫咗个热伴红薯粉，一碗$31，已经有炸酱、酸菜、芫茜同花生，价钱好亲民～𩠌料自选，由$7/$8/$9/$13/$15都有，落单呀姐非常推介猪软骨同辣嘅瘦腩肉🐷话系最多人叫，其实猪颈肉都系我最爱，今次最食猪软骨同鸡丝啦！鸡丝一啲都唔系丝，系鸡件，好滑唔嚡，猪软骨有用卤水腌过，入口第一啖已经好浓味，中间软骨位置好腍唔使用力咬，正！薯粉软腍，捞完啲炸酱真系好好食，最后一啖不净。叫埋杯冻柠蜜饮，2𩠌1粉1嘢饮埋单$60，爽皮。呢度嘅缺点就系难揾位，同埋只收现金，小食太多好难拣，下次嚟会食埋佢炸鸡翼先！贵香园地址：旺角西洋菜街216号地舖（系间教会对面）
酸辣米线就好多人食🍲但我钟意食捞面多啲，叫咗个热伴红薯粉，一碗$31，已经有炸酱、酸菜、芫茜同花生，价钱好亲民～
𩠌料自选，由$7/$8/$9/$13/$15都有，落单呀姐非常推介猪软骨同辣嘅瘦腩肉🐷话系最多人叫，其实猪颈肉都系我最爱，今次最食猪软骨同鸡丝啦！
鸡丝一啲都唔系丝，系鸡件，好滑唔嚡，猪软骨有用卤水腌过，入口第一啖已经好浓味，中间软骨位置好腍唔使用力咬，正！薯粉软腍，捞完啲炸酱真系好好食，最后一啖不净。
叫埋杯冻柠蜜饮，2𩠌1粉1嘢饮埋单$60，爽皮。
呢度嘅缺点就系难揾位，同埋只收现金，小食太多好难拣，下次嚟会食埋佢炸鸡翼先！
贵香园
地址：旺角西洋菜街216号地舖（系间教会对面）
热拌红薯粉配猪软骨鸡丝
$52
20 浏览
0 赞好
0 留言
张贴
