Romanne Leisure Food Concept (砵蘭街) (已結業)

自从疫情之后, 原来已好少出入朗晴坊。 因为怕多人, 又要等。今日咁啱经过, 好似去得过就试下朋友介绍既lee间餐厅。朋友话环境真系好舒服, 好坐。 最紧要野食唔差。上到黎真系唔错。 可能都系楼上舖，唔系太满人。坐底后服务员有礼貌放底menu就行开。 唔会好赶住要落单。我地都系简左set lunch: 澳洲有骨肉眼扒和柠檬海盐烤春鸡配西班牙肠。 set lunch再跟沙律和餐茶。 真系唔好睇少佢地既set lunch, 真系几大份。沙律比起出面既已算大碟。 沙律菜好新鲜, 唔会见到黑边。肉眼扒开头以为会系普通野, 因落单时冇问过几成熟, 但黎到, 系最刚刚好既5成熟。 仲以为5成熟好生, 完全唔会。 我估佢系煎焗过, 所以中间半熟得黎好稔，而外表系好干身。 真系意外地好食。 而薯菜都唔系求其既蔬菜底薯条。 佢系用小南瓜, 青瓜, 薯仔，茄子, 蕃茄仔。 真系好丰富。烤春鸡半只都算适中。 好入味，又稔身。 真系好有水准。果然朋友冇介绍错, 真系食得好舒服既一餐晏。