全日雞實驗所 (通菜街)

营业中

休息中

早排见到某酒店推出海南鸡饭蛋糕，挑起左想食海南鸡饭条瘾。上网揾揾下见到有条片介绍呢间舖，讲到老板当佢科研咁做，于是就黎左试下。睇左阵餐牌决定拣鸡脾餐，无他既贪佢够滑，另一餐拣左肉饼试下。两个餐都无拣普通饭，转左香饭同拌面。个餐都几多野食，除左主菜同饭，有汤，小食同野饮。个餐连盘上，但d 野又唔算逼，自己调下位都方便。先讲鸡，d 肉够滑有鸡味又林，无血水无腥味，三款酱汁分别系酱油，辣酱同姜蓉。我觉得辣酱最好食，比泰式辣酱辣小小但无咁甜。个肉饼真心好食，有d 觉得系比海南鸡担误既肉饼店。加左瑶柱口感丰富左好多又弹牙，本身调味已经好够，唔使额外加豉油，强烈推荐。香饭无出边d 油饭咁多油但保持到个香味，食唔到硬饭，应该系即日煮无隔夜。拌面够味有葱香不过小心食个时d 汁滴到自己，可以一试。小食同汤正常，个汤饮得出无加味精。整体而言呢个份量，质素同款式对得住价钱，有时想食海南鸡饭又唔想外卖呢间真系一个好选择。