Ghetto Cafe

营业中

休息中

事关呢几日周末心血来潮，突然之间好想食汉堡包，所以就喺旺角揾一揾有冇边啲沧海遗珠，结果就真系俾我揾到呢一间舖头。舖头装修都好有特色，好钟意墙上面嘅graffiti，平时想食汉堡包冇百几蚊真系落唔到楼，但系冇谂过可以做到咁抵食。‣ 烤洋葱煎蛋芝味牛肉汉堡 $75个汉堡包超级好味，面包皮唔会好干，做到外脆内软。个蛋煎得啱啱好，一啖咬落去嘅时候仲系流心嘅状态，相当之吸引。本身个汉堡肉扒亦都好多汁，微微烤过嘅肉香好正。而我好欣赏佢嘅洋葱，炒得极香极淋身，而本身带有嘅焦糖香真系令到成个汉堡嘅口感同埋味道提升咗一个层次。而佢啲薯条嘅份量都好足，面头有啲椒盐，食嘅时候热辣辣又脆卜卜，超级满足。而我觉得最欣赏嘅系佢有果汁可以拣，我就拣咗个青提子汁，超级清新，食完都有啲意犹未尽。