大力水手炸雞

营业中

休息中

以前喺香港机场🛫有呢一间炸鸡店，我经常食佢哋嘅牛油松饼🧈，我觉得系香港最好食嘅松饼之一，所以知道佢而家喺旺角开咗分店，一定要食下。今次我就冇食佢哋经典嘅牛油松饼，反而就试吓佢哋嘅炸鸡🍗薯条🍟套餐，佢哋嘅炸鸡真系即叫即炸，所以系会热到辣手㗎 ！炸鸡嘅脆皮味道好唔错，平时我唔系特别钟意食鸡皮嘅人都会食一食，鸡肉保留肉汁，炸鱿鱼圈都系有啲甜味，而我最钟意嘅系佢嘅炸鸡柳，其实好多健身嘅朋友都会钟意食鸡柳，而炸鸡楼呢就唔系所有快餐店都有得食，鸡柳炸完唔会好干夹，易入口又含有丰富嘅蛋白质，所以好吸引。🍗