河內越式料理 (西洋菜南街)

营业中

休息中

今日比较赶时间，想快快脆食个晚饭，但食快饭又唔等于要颓食，唔想就咁食个鱼蛋面， 于是拣左越南菜， 谂住食个捞檬，涷食唔惊食得慢啦。晚饭时间，餐厅坐满9成，好彩咁啱有位。因为太肚饿嘅原故，拣个2人餐，再点小食先。椰汁三色冰，越式青柠冰法式牛油鸡翼炸粉唔会太厚，食落好香脆，少少牛油味。香茅沙嗲猪颈肉串烧牛肉猪肉串烧就见得多，猪颈肉串烧就少见啲。猪颈肉切成粒状，肉质脂肪均匀，咬落质感几好。沙嗲酱花生味唔大，反而带有少少辣味，偏油，沾上猪颈肉，算唔错。安南鲜虾纸米卷米纸皮薄透明，看起来精致，是清爽健康素食。生牛肉汤粉薄薄粉嫰牛肉片，鲜绿蔬菜，细长幼滑河粉，与汤汁非常夹，推荐香茅猪排捞檬猪排腌得很入味，煎得香脆，还保持肉汁，唔会太干。捞檬淋上酸甜汁，配上萝卜丝和青瓜丝，有口感之余，更是清爽，啱哂夏天开胃用。虽然餐厅客人好多，侍应做到无停手，但都可以保持礼貌友善嘅态度，值得一赞。餐厅上菜速度够快，落单后唔使10分钟就上菜，啱哂我啲心急嘅人,真系快靓正。