形 (MPM文華商場)

营业中

休息中

原來朗豪坊對面都有間串燒酒吧，開通宵，任坐，岩曬相同朋友吹耐啲水，環境都幾唔錯，大大間，一入到去勁大個Mon 播緊mv,如果睇波應該一流，仲有得督波同埋飛鏢機。呢到主力串燒同飲下酒，串燒款式都多，價錢唔貴，cocktails 同mocktails都多款。串燒最平廿幾蚊，呢餐當正餐加飲下野，所以都叫左唔少野食。特式炸薯條$42係面有沙律醬同茄汁，作為小食唔錯。串燒邊面燒茄子（推薦）$49和燒韭菜$20都幾不錯，茄子的口感軟綿，韭菜的味道爽口，少少辣，幾惹味。豬五花腩$30和豬頸肉（推薦）$30，都唔會燒到好韌，肉質鮮嫩多汁，味道濃郁，好食。蒜蓉牛油焗蜆，雖然偏細隻，但都鮮味無沙，而且焗嘅牛油同蒜味都好香。燒魷魚都好好味，魷魚嘅口感好彈牙，而且燒得剛好，唔會太硬或太腍。雞泡魚乾$62同金菇肥牛卷$32都好特別，雞泡魚乾鮮甜，再脆多少少就更好。而金菇肥牛卷嘅肥牛比想像中好嫩滑，金菇嘅口感亦好豐富。酒Pina Colada （推薦）$88入面有用到新鮮嘅菠蘿，鮮甜多汁，口感豐富。椰漿味濃，奶香味道十分突出，令整個飲品更加香滑。再加上朗姆酒帶出一股微妙的果香，令味道更加豐富，飲落去非常清新怡人。