影片
更多
2021-11-25
95 浏览
收工同同事去chill一chill，同事介绍令和居酒屋自家酿制梅酒好正同埋食物款式多，CP值又高，所以我哋就去试吓~餐厅环境好有日本嘅感觉，电视都系播紧日本台㗎！老板超热情❤️认真介绍每一个菜式～日式鸡丸子拼盘$85（follow IG特价)呢一个拼盘系新出嘅菜式，有四款唔同嘅鸡丸子，其中包括烧鸡肉丸子/烧紫苏鸡肉丸子/炸流心芝士鸡肉丸子/炸鸡胸软骨丸子，每一款都各具特色，个人就最钟意流心芝士鸡肉丸子，一咬落去会爆芝士浆，好邪恶啊！清酒广岛生蚝🦪$28/只广岛生蚝超级大只，咁嘅价钱真系佛心价！每只生蚝配搭一杯清酒，食法系将蚝肉原只摆落杯清酒入边，然后成杯饮咗佢，原来清酒系可以令到只生蚝超级鲜甜嘅，一定要试！北海道唐扬炸鱿鱼软骨$38又系一款必食之选，三十几蚊但系份量都几多，好香脆，而且采用嘅部位系鱿鱼软骨，口感有少少似鸡软骨但系就系鱿鱼嚟嘅，点埋沙律酱食更加正！西京烧银鳕鱼$118系我嘅至爱❤️居酒屋必食之选，银鳕鱼超滑溜，个面煎到好香，点埋沙律酱真系一啖一美味！味噌广岛蚝锅$88强烈推荐‼️昆布味噌汤入面有劲多只广岛蚝，汤头超级鲜甜！原来仲有隐藏食法，就系叫一个白饭做汤饭或者加个稻庭乌冬，
餐厅环境好有日本嘅感觉，电视都系播紧日本台㗎！老板超热情❤️认真介绍每一个菜式～
日式鸡丸子拼盘$85（follow IG特价)
呢一个拼盘系新出嘅菜式，有四款唔同嘅鸡丸子，其中包括烧鸡肉丸子/烧紫苏鸡肉丸子/炸流心芝士鸡肉丸子/炸鸡胸软骨丸子，每一款都各具特色，个人就最钟意流心芝士鸡肉丸子，一咬落去会爆芝士浆，好邪恶啊！
清酒广岛生蚝🦪$28/只
广岛生蚝超级大只，咁嘅价钱真系佛心价！每只生蚝配搭一杯清酒，食法系将蚝肉原只摆落杯清酒入边，然后成杯饮咗佢，原来清酒系可以令到只生蚝超级鲜甜嘅，一定要试！
北海道唐扬炸鱿鱼软骨$38
又系一款必食之选，三十几蚊但系份量都几多，好香脆，而且采用嘅部位系鱿鱼软骨，口感有少少似鸡软骨但系就系鱿鱼嚟嘅，点埋沙律酱食更加正！
西京烧银鳕鱼$118
系我嘅至爱❤️居酒屋必食之选，银鳕鱼超滑溜，个面煎到好香，点埋沙律酱真系一啖一美味！
味噌广岛蚝锅$88
强烈推荐‼️昆布味噌汤入面有劲多只广岛蚝，汤头超级鲜甜！原来仲有隐藏食法，就系叫一个白饭做汤饭或者加个稻庭乌冬，咁就可以吸晒啲汤嘅精华✨
酒盗芝士$48
见到个名完全唔知系咩嚟嘅，原来酒盗系一款鱼嘅内脏，咸香十足，配搭芝士粒，𩠌酒一流，完全又系一试爱上。
令和玉子烧$38
厚切玉子烧，味道比较甜，配搭萝卜茸都几特别。
串烧拼盘$138
款式好多，有手羽、鸡皮串、鸡软骨串、大葱豚肉串、金菇牛肉串、秋葵、烟肉车厘茄、大葱串，每款各有特色好惹味！
四色刺身盘$126
有三文鱼（3片）、吞拿鱼（3片）、赤虾（2件)、油甘鱼（3片），都几新鲜！
仲有不得不提嘅就系自家酿制嘅梅酒真系好正，连冰块都系一旧大大嚿圆形㗎，好特别！
整体来讲，呢间居酒屋嘅食物真系好有质素，而且性价比高，下次嚟我要试吓寿喜烧先！见到隔离枱食超香呀！
张贴
