殿·大喜屋

营业中

休息中

久违的放题，终于都同朋友一齐食到啦!今次来到这间系旺角帝京酒店入面的殿大喜屋，餐厅环境超大，自助区有多款食物、饮品可以自取，而网上落单亦有多款食物可以选择，连鱼子酱都可以任食，会唔会太正!自助区包括有蒸点心、小龙虾、炸物、汤类、糖水、水果、前菜等，净系前菜都已经有好多款式可以选择!而榴梿蓉亦系最受欢迎的食物之一！除左食物，亦有多款饮品可以选择，自家制茶、罐装或纸包茶饮、汽水、啤酒、清酒、梅酒等都有！而网上落单亦有多款类别可以选择，刺身、寿司、鱼子酱任食，佢地既海胆仲要系日本海胆黎架，够哂正！刺身厚切而且新鲜，寿司不会太大旧，食完仲有位再食其他食物！花胶海参、鲍鱼捞饭、醉鲍鱼、特大花胶都可以任食，当中个人觉得花胶海参汤最正！另外仲有乳鸽、鹅肝多士、避风塘炒蟹呢啲放题较少见嘅食物可以食到！乳鸽炸得香口多汁，炒蟹估唔到啖啖肉！当然亦有羊架、烧鲭鱼、串烧、天妇罗可以食到，佢既蟹粥、清酒煮蚬都好正好好味！最后当然要吃雪糕，这里有自家制软雪糕、雪条、movenpick、Häagen-Dazs 等雪糕可以任食，我就选择了榴梿雪条，味道香浓，真系非常满足呀！