紅島冰廳

营业中

休息中

朋友从外国回来，很挂念香港名产茶记，当然要揾间好野同佢相聚一下。今次拣咗位于旺角的红岛冰厅，餐厅正正位于大马路隔离好方便，有2层好多位，繁忙时间都唔会话要等好耐位，睇menu发现竟然有越式汤河及小食提供，二话不说点都拣个试下先，本来想食海南鸡饭，但招牌菜往往要早到先有得食，卖完了唯有退而求次，点了越式三宝捞檬，三宝有牛肉串烧 + 札肉 + 香茅猪扒，上枱后感觉想当抵食，猪扒大块惹味，串烧都系一整串，以为茶记质素麻麻，点知真系有惊喜㖞，最估唔到系呢个价钱都有呢个份量，真心抵食！另外朋友仲点了铁板宝云羊架跟焗薯，朋友食第一口已经点赞，劲满意！无谂过茶仔都比到呢个质素，羊架一D都唔苏，大大份，肉质偏腍有小小肥，啱哂我地口味，上枱先淋汁，炸一声，未食已经流哂口水超香，黑椒汁配合羊架，简直一流，一食再食，停唔到口，难得食食扒竟然系一D都唔滞，真心好味，极推介!跟餐可点埋特饮都系另加9蚊，水蜜桃西柚好解渴，又唔会话太甜，好味! 呢间茶记系我近来食过最高质的，钟意茶记的你必然之选!