影片
更多
2023-08-28
1222 浏览
呢晚嚟咗呢间旺角嘅怀旧西餐厅锯扒 餐厅门面用咗高贵嘅紫色 非常容易察觉到😁 同友人一人叫咗一份主食套餐 再加多个小食😝 主食连加配套餐都有两个选择 如果想食得丰富啲嘅可以加$25要个有齐晒餐包 餐汤 饮品同甜品嘅套餐🫢餐汤及餐包餐汤有罗宋汤或猪骨汤两个选择 我同友人各拣咗一款😗 猪骨汤系中式嘅老火汤 不过我就个人觉得食西餐都系配罗宋汤夹啲🙈 罗宋汤入口有少少辣 仲有萝卜 芹菜等等嘅配料吃扒杂扒配薯菜呢个扒餐真系好丰富 有鱼柳 煎蛋 猪扒 牛扒 鸡扒 烟肉 司华力肠😋 侧边仲有西兰花同埋薯菜🍟 见到隔离枱加配咗呢个热熔芝士 搞到我都嗌咗份🧀店员会亲自将溶咗嘅芝士淋喺面 真系好澎湃 啲芝士系涌出嚟㗎 上面嘅扒类肉质嘅结实 特别钟意佢嘅鸡扒🐥 最特别嘅系即使加配咗热熔芝士 餐厅依然可以俾我哋选择一款酱汁 我就拣咗同牛扒比较夹嘅黑椒汁🐮 牛油果软壳蟹飞鱼子意大利粉呢个意粉嘅份量好多 口感几弹牙 用上咗忌廉汁再加一啲菇菌类🍄 面头就有一只酥脆嘅软壳蟹🦀 仲有半个牛油果🥑 呢个组合都几好食 不过我最钟意嘅都系大量嘅飞鱼子 口感卜卜脆咁 除咗面头之外底下嘅意粉都有mix埋飞鱼子水牛城鸡翼呢碟有八只好
呢晚嚟咗呢间旺角嘅怀旧西餐厅锯扒 餐厅门面用咗高贵嘅紫色 非常容易察觉到😁 同友人一人叫咗一份主食套餐 再加多个小食😝 主食连加配套餐都有两个选择 如果想食得丰富啲嘅可以加$25要个有齐晒餐包 餐汤 饮品同甜品嘅套餐🫢
餐汤及餐包
餐汤有罗宋汤或猪骨汤两个选择 我同友人各拣咗一款😗 猪骨汤系中式嘅老火汤 不过我就个人觉得食西餐都系配罗宋汤夹啲🙈 罗宋汤入口有少少辣 仲有萝卜 芹菜等等嘅配料
吃扒杂扒配薯菜
呢个扒餐真系好丰富 有鱼柳 煎蛋 猪扒 牛扒 鸡扒 烟肉 司华力肠😋 侧边仲有西兰花同埋薯菜🍟 见到隔离枱加配咗呢个热熔芝士 搞到我都嗌咗份🧀店员会亲自将溶咗嘅芝士淋喺面 真系好澎湃 啲芝士系涌出嚟㗎 上面嘅扒类肉质嘅结实 特别钟意佢嘅鸡扒🐥 最特别嘅系即使加配咗热熔芝士 餐厅依然可以俾我哋选择一款酱汁 我就拣咗同牛扒比较夹嘅黑椒汁🐮
牛油果软壳蟹飞鱼子意大利粉
呢个意粉嘅份量好多 口感几弹牙 用上咗忌廉汁再加一啲菇菌类🍄 面头就有一只酥脆嘅软壳蟹🦀 仲有半个牛油果🥑 呢个组合都几好食 不过我最钟意嘅都系大量嘅飞鱼子 口感卜卜脆咁 除咗面头之外底下嘅意粉都有mix埋飞鱼子
水牛城鸡翼
呢碟有八只好大只嘅鸡翼 加上旁边仲有啲沙律🥗 食肉兽都唔使惊食得太多肉呀 鸡翼外脆内软 入面仲有好多肉汁 几钟意佢水牛城鸡翼嘅酱汁 因为份量啱啱好 唔会多到好似浸湿咗只鸡翼咁👍🏻 有少少做调味 又可以keep住只鸡翼够晒脆
甜品
跟餐嘅甜品系香港制造嘅朱古力雪糕🍦 店员都几贴心会根据你食完主菜嘅时间再上甜品
饮品
餐饮嗌咗冻柠檬茶 同埋冻朱古力 呢个嘅上菜速度都几快 啱晒大热天时一入到餐厅就可以饮🥤好可惜嗌得太心急啦 因为原来仲可以加$17转特饮㗎🥺 唯有下次再嚟过啦
呢间餐厅几有港式怀旧西餐厅嘅感觉 特别系佢嘅铁板餐 真系非常大件夹抵食👍🏻
张贴
