Graceland

营业中

休息中

近排压力大，放工同朋友去放松一下，被一家播住怀旧黑胶唱片既酒巴餐厅吸引到，唱片机来自1965年，客人可以免费自选歌曲，听住歌心情非常放松。先试左店员推介比较偏甜岩女仔饮嘅signature cocktail - GEORGIA ON MY RIND，用咗Gin酒做base，加上西瓜梳打、 Rosé、青柠，饮落去非常清新，易入口。另外顺便食埋晚餐，食咗饮酒必叫既鸡翼、出面少见嘅4味脆辣炸鸡窝夫、黑松露蘑菇芝士汉堡。鸡翼有唔同只数嘅选择，我哋两个人食拣咗8只，而且有好多唔同味道嘅选择，又唔辣至劲辣都有，试左Honey BBQ，BBQ酱汁同炸过嘅鸡翼好夹，BBQ酱汁口味厚重，送酒一流。4味脆辣炸鸡窝夫包括左4种唔同辣度嘅鸡柳，分别系香辣芝士粉、水牛城辣酱、南非辣椒粉、激浪Baja Blast，一上枱已经见到鸡柳沾满辣味粉/酱，辣味后劲比较厉害，口味比较独特，出面少见。黑松露蘑菇芝士汉堡用咗四重牛肉同芝士，配料用咗洋葱、蘑菇、生菜、蕃茄、腌菜，一上枱已经见到汉堡好厚身，馅料非常丰富，啱晒我呢个食肉兽，牛肉肉味浓，芝士微溶，夹在牛肉中间，极邪恶，汉堡包皮松软脆口。