canton pot (已結業)

香港人真系好钟意打边炉，因为一班朋友围埋一齐，一边倾偈、一边烚吓烚吓，气氛特别好。今晚一班friends约咗喺旺角打边炉，我记得之前食过呢间位置有啲隐蔽嘅Canton Pot，佢哋宜家做紧一个自选海鲜promotion，于是就提议不如嚟试吓。我记得呢度嘅汤底好正，今晚趁人多就试两个汤底：龙虾汤底（配龙虾刺身）仲有花胶汤底（里面嘅花胶够哂份量）大家都急不及待即刻饮返几碗汤先开始打边炉。然后就系食物方面，不得不提呢个2+2嘅海鲜套餐，每人自选2款活海鲜+2款冰鲜海鲜，我拣咗嘅组合有刀贝蚬、鲍鱼、美国桶蚝、阿根廷红虾啲海鲜全部好鲜甜味美，朋友拣嘅蛏子大大只，搅到我下次都想食蛏子。打边炉一定要食嘅肥牛，我地点咗牛颈脊，睇相都知，啲纹理靓到呢！就好似九龙城方荣记啲靓牛，真系入口即熔。然后我哋仲叫咗西班牙橡果Iberico 黑豚肉，真系好大惊喜，平时食过iberico ham，原来黑豚肉用嚟打边炉都可以咁出色，肥瘦均匀，肉味比其他猪肉都香浓，印象深刻。呢度嘅鱼皮又系必食，好薄好大块，就咁食入口劲松化，索两秒汤先食就有汤底嘅精华。Canton Pot嘅饺子系自家制，我地今晚试吓羊肚菌饺子，味道健康。