小草十八怪石鍋米線 (已結業)

再次到访旺角呢间石锅米线餐厅，上次食过可以自己煮的石锅米线，今次嚟食串烧同川式凉面。😝呢度啲串烧真系几抵食，款式多又可以自己选择辣度，全部都烧得好香好惹味，海虾香脆到可以连壳食，虾肉鲜味；墨鱼咀好爽口弹牙；鸡软骨爽脆。🍆原条烧茄子必食！！原条茄子开边烧，够晒大条，茄子好淋，加上香葱同金蒜好惹味，味道啱啱好唔会太咸又唔会太油腻，推荐👍🏻🍜川式凉面我拣咗小辣，酸酸辣辣好开胃，再加上青瓜同鸡丝好夹，热辣辣嘅天气食呢个最正😚🤩呢度啲特饮都超级大杯，2个share都有多，🥭芒果冻顶乌龙茶芒果香味几浓，中间有淡淡的乌龙茶味，酸酸甜甜好开胃，生津解渴。繁忙时间好多人帮衬，整体食物质素真心唔错，价钱贴地；环境都几舒适又够哂方便，地铁站一出行两步就到。