小胖台灣便當 (豐怡中心) (已結業)

今日去旺角食台湾野。呢间小胖台湾便当提供多款台式便当、面类、小食同埋饮品。价钱都系大概60-70蚊，包埋饮品，完全系cp值之选。 1⃣️三杯蜜汁烤鸡排便当（$62） 鸡排面头蜜汁味甜甜地，洒上少少芝麻，肉质非常嫩滑。另外便当配菜非常丰富，有粟米、炒粉丝、青瓜粒、菜脯蛋、小棠菜，食到好满足。  2⃣️台湾铁路大排骨汤面（$70） 排骨系同汤面分开上既，咁就唔会浸淋啲肉。食落啲肉系入味唔干😋另外汤面系猪骨汤味，唔会太浓太咸味，配上卤肉、弹牙手工面，仲有啲菜👍  3⃣️虎咬猪刈包（$38） 好少可以系香港食到咁原始台湾风味既刈包！猪系带肥既五花腩，食落系入口即溶🤤望落会觉得好肥腻，但系食落一啲都唔觉。软熟既包身夹住腩肉、酸菜、花生碎、海量芫茜，真系完全一秒去左台湾！  4⃣️虎咬鸡刈包（$38） 呢个配料搭配都有啲唔同，两种唔同既风味。呢个系配上蜜汁烧鸡，鸡肉皮香肉嫩，配上煎蛋、酸菜、青瓜、花生碎，一样都系好好食～  5⃣️栀子花绿茶（跟餐） 跟餐有得跟冷泡茶饮，带清清既花香。  6⃣️百香Q果绿茶（跟餐+$6） 酸酸甜甜，而且入面有好多椰果，解渴一流！