三公台灣料理 (已結業)

今日同FD到兆万买嘢，睇到对面新开咗一家台湾嘢，价钱唔贵，咁试试。店铺装修得好温馨，晚市平均70一个便当包埋饮品。冻黑糖浓乳爱玉果子，黑糖味好浓厚，不过唔会好甜。爱玉比得好足料，比到差唔多3分之一杯，唔错。热古早味冬瓜茶（便当搭配），冬瓜味好香，同样唔会好甜，饮落好清爽。椒麻鸭舌，哩个前菜真系好开胃，鸭舌处理得唔错，食落好麻辣，好食。台式卤味拣咗卤水溏心蛋，金钱腱同甜不辣。卤水溏心蛋，蛋煮得火候啱啱好，蛋黄入口即化，好味。金钱腱煲得好软烂，哩间卤水汁唔会过咸，金钱腱食落好似屋企自家制味道。甜不辣，哩个好似和卤味关系不大。甜不辣大大件有5-6件，炸得好香口，OK。香酥鸡球椒麻拌面便当，哩份配料好丰富，有卤肉，粟米仔，洋葱等。卤肉粒唔系切碎果种，系好似牛肉粒咁样，食落好有口感。面拌得好够味，有少少椒香味，全部食晒。抹茶麻薯爱玉，爱玉食落好清爽，青柠片加入有著画龙点睛作用，成份甜品有著淡淡柠檬香，好食。