蘇杭冰室

营业中

休息中

行过旺角，睇到哩间茶餐厅唔错，咁试试。餐厅装修得唔错，两个人都安排沙发位，坐得好阔落。晚市提供数款套餐，价钱都几平下。子姜皮蛋，茶餐厅好少见嘅小食，皮蛋同子姜好夹，OK。热奶茶同冻菠萝冰，都系跟餐加配。奶茶奶味好重，唔洗加糖已经足够香浓。冻菠萝冰，好大一杯，食扒最啱。跟羊扒配咗是日餐汤同餐包，餐包焗得热笠笠，仲帮手切开加埋黄油，好贴心，唔错。鳗鱼炒蛋饭，估唔到68HKD嘅鳗鱼饭，鳗鱼都好大一条，劲抵食喔。鳗鱼唔错，滑蛋好幼滑，同鳗鱼汁一齐捞埋食，好味。纽西兰羊扒(蒜蓉汁+薯条)，羊扒大大件有3件，仲有伴碟蒜头，翠玉瓜，蘑菇，菜同薯条。羊扒叫咗全熟，食落都唔柴，仲好嫩，好食。蒜头烧完食落好甜，同羊扒好夹。宇治抹茶梳乎厘班戟，好少在茶餐厅见到梳乎厘班戟，今次试试。班戟食落好松软，质素算相当OK。当然同日本名店有差距，不过对于茶餐厅黎讲，已经算好好啦。哩间茶餐厅相当抵食，特别系鳗鱼饭，下次要再试试其他嘢食。