韓川

营业中

休息中

行过旺角见到哩间韩国嘢唔错，咁试试。餐厅装修得几韩风，打卡唔错。韩国米酒白香桃味，米酒饮得多，白桃味就第一次饮。米酒饮落好清爽，唔会太重酒味，少少桃味点缀，唔错。前菜烧韩国生蚝2只，生蚝一只有巴掌大，铺满咗厚厚蒜蓉，生蚝唔会烧得太干，食落好juice鲜甜。韩川菜包五花腩+韩式秘制魔鬼辣酱（小辣），哩份五花腩可以拣小辣同魔鬼辣，魔鬼辣听到都惊惊地，第一次试当然先试小辣啦。五花腩系成件上咗来，比咗胶剪比我地煎开，搭配咗生菜，芥辣酱，大酱，洋葱同蒜片。五花腩烧得啱啱好，酱汁超级惹味，唔洗任何酱已经好够味。小辣真系唔辣，下次一定要试试魔鬼辣先得。三味山炸鸡（炸酱，芥末酱同糖粉），哩份真系劲大，有单骨鸡翅10件同鸡比4件，炸酱少少甜味，搭配埋芥末酱一齐，同炸鸡好夹。温泉蛋虎虾芝士汤乌冬，估唔到虎虾劲大一只，食落好鲜甜弹牙。汤底芝士味道好重，可以捞埋滑蛋一齐食。乌冬嗦晒汤汁味道，好好味。估唔到哩间韩国嘢质素劲唔错，食完仲可以慢慢同FD饮杯米酒先！