SUN HARU (威達商業大廈)

营业中

休息中

喺旺角行街最钟意走入通菜街揾嘢食, 呢条街好多唔同类型嘅小店， 今日我哋就拣咗呢间SUN HARU 食午餐， 呢度嘅装修好有特色，两边墙都系壁画好靓， 地方阔落干净舒服， 店员有礼👍午餐时间有好多唔同嘅餐可以选择， 我哋拣咗个二人餐， 包括有炒粉丝， 炸鸡， 饭卷， 前菜 ，同两杯嘢饮。 炸鸡有几种味道可以选择（ 蜂蜜芥末，甜辣， 牛油蜜糖， 芝士撒粉）我哋叫咗个蜂蜜芥末味， 啲炸鸡都几大碟 ， 炸粉唔会太厚， 鸡件炸致酥脆外脆内软 ，少少甜辣嘅蜂蜜芥末 好醒胃 啱晒我呢。传统杂锦紫菜包饭： 青瓜，红萝卜， 玉子， 火腿， 杂锦配好夹， 唔错。韩式炒粉丝， 佢有牛肉同猪肉 选择， 粉丝份量都多， 佢唔会炒到好重味精嘅感觉 ，味道 掌握得啱啱好。