輕鬆飲 (已結業)

24/2/2009 (星期二)今日去旺角行街，跟住揾地方食饭，本来想食鱼旦粉，但后来想起系 Open Rice的网页见到好多人气之选的街头小食，于是走去登打士街那边䏲䏲。行到去就见到一堆人围住轻松饮，于是我又走埋去排队，叫咗招牌奶茶加珍珠，侍应好体贴地问是否要少冰少甜，服务真好，完全唔受排队的人龙影响。我问过要等15分钟，于是就系附近行下，见到爱尔兰疯薯、万家烧饼皇、肥姐小食、薯皇等人气食店，花多眼乱，最后决定先试薯皇同肥姐小食。食完之后再番黎攞奶茶，时间啱啱好。招牌奶茶原来好大杯，足足有700cc，简直系重量级，饮落系台式珍珠奶茶的味道，奶味多d，我叫咗少冰少甜，所以饮落唔会太甜，好好饮。轻松饮用细粒的珍珠，比大粒的珍珠软身同易食，而且价钱咁平，好抵饮，排队都抵啦。