南京好味 (已結業)

以前黎亲呢度都系食近门口果间，突然想换下口味，于是上or见呢间南京都几多人赞，而且比较平，点知真系无介绍错。手撕鸡碟内成条鸡脾骨加鸡脾块皮，证明真系用成只鸡脾，份量很多。虽然摆明系冷藏，不过酱汁完全遮盖左阵雪味，部份鸡肉亦颇嫩滑。京葱爆牛肉够镬气。京葱份量十足，满满的一碟。牛肉不鞋，炒得几滑，不过无咩牛肉味。虽然成碟菜睇落闪令令，不过食落唔觉油腻。黑醋骨即叫即制，足足等了十分钟有多，入口热辣辣。外脆内松化。酱汁酸酸甜甜，送饭一流。虽然睇落个份量比较少，但由于比较浓味，足以食晒成碗饭。前后试过柠水红豆冰同柠茶，除左柠水，其他都麻麻地。