影片
更多
2022-08-21
24 浏览
[ 面赐园 ]旺角女人街两旁有好多间食肆，今次去食呢间fusion餐厅上年先开业，系新派本地汤面crossover烘焙咖啡&茶，概念好特别。✿ 牛队长汤面 🐮$88呢碗牛肉面配料同台湾牛肉面有啲似，但更加足料，有澳洲和牛封门柳、牛肋条、牛肚、牛筋& 白萝卜。牛类肉质软腍唔嚡口，而且炆得好入味，白萝卜无渣索汤；牛骨汤味道有啲似越南牛河，但汤底更浓厚，肉味重及带少少药材味，汤底饮完唔口渴👍🏻👍🏻✿ 黑椒牛队长炒饭 $88封门牛肉粒牛味浓，有肉感而无筋，肉粒都几多。而炒饭炒得相当干身，每啖炒饭都食到黑椒香味，加埋青红椒粒、洋葱粒&葱非常惹味。✿ 素苏格兰炸蛋 🥚跟餐+$45 (单点$58)炸蛋入面系流心蛋，混合咗植物肉，再抹上炸粉去炸。外皮炸至金黄酥脆而内软，另配泰式甜辣酱，味道出奇地夹！✿ 热烘焙铁观音 $15茶味香浓，消腻一流🙌🏻🙌🏻✿ 热红绿灯 $30呢间fusion店另一特色系佢啲烘焙咖啡&茶。叫得呢个名姐系有齐红&绿嘅元素🤣🤣红=红豆🫘绿=抹茶🍵茶味浓，配埋红豆系唔会出错嘅配搭😀用咗心形杯同猫猫肉球嘅匙羹😍睇得又饮得🫶🏻总结🫦呢间新派港式汤面店环境有别于传统，环境舒适而干净企理，而
[ 面赐园 ]
旺角女人街两旁有好多间食肆，今次去食呢间fusion餐厅上年先开业，系新派本地汤面crossover烘焙咖啡&茶，概念好特别。
✿ 牛队长汤面 🐮$88
呢碗牛肉面配料同台湾牛肉面有啲似，但更加足料，有澳洲和牛封门柳、牛肋条、牛肚、牛筋& 白萝卜。牛类肉质软腍唔嚡口，而且炆得好入味，白萝卜无渣索汤；牛骨汤味道有啲似越南牛河，但汤底更浓厚，肉味重及带少少药材味，汤底饮完唔口渴👍🏻👍🏻
✿ 黑椒牛队长炒饭 $88
封门牛肉粒牛味浓，有肉感而无筋，肉粒都几多。而炒饭炒得相当干身，每啖炒饭都食到黑椒香味，加埋青红椒粒、洋葱粒&葱非常惹味。
✿ 素苏格兰炸蛋 🥚跟餐+$45 (单点$58)
炸蛋入面系流心蛋，混合咗植物肉，再抹上炸粉去炸。外皮炸至金黄酥脆而内软，另配泰式甜辣酱，味道出奇地夹！
✿ 热烘焙铁观音 $15
茶味香浓，消腻一流🙌🏻🙌🏻
✿ 热红绿灯 $30
呢间fusion店另一特色系佢啲烘焙咖啡&茶。
叫得呢个名姐系有齐红&绿嘅元素🤣🤣
红=红豆🫘
绿=抹茶🍵
茶味浓，配埋红豆系唔会出错嘅配搭😀用咗心形杯同猫猫肉球嘅匙羹😍睇得又饮得🫶🏻
总结🫦
呢间新派港式汤面店环境有别于传统，环境舒适而干净企理，而且有烘焙咖啡/茶饮，啱哂中意饮咖啡而又想食正餐嘅人。
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
面赐园 Noodles Dimension
地址：旺角通菜街36号地舖
电话：63689843
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
张贴
