三一餃子 (通菜街)

营业中

休息中

经开旺角，见呢间饺子几多款式，仲有不同小食，环境又几企理，唔洗等位，一于试试😋饺子有6-7款口味，可以选煎、蒸或汤，另外仲有日式煎饺子，汤饺有3款汤底拣，好多样化。饺子可以加$4双并，试多啲款。今日试左关东煮、招牌饺、醉鸡饺同埋黑白松露汤饺。关东煮有惊喜，材料丰富，有冬菇、萝卜、墨鱼丸、竹轮卷、鱼蛋角、流心蛋，全部全好好味。饺子size 比较小，可以考虑加乌冬或米线。醉鸡饺酒味都特出，唔错。招牌饺系猪肉馅入边有啲菜，都好食嘅，不过就普通啲。选左一碗芫茜汤底，色泽翠绿，有好多芫荽碎，但入口味道比预期淡，类似中式芫荽鱼片汤𠮶阵味，属于清淡汤底。我最钟意系黑白松露饺，劲香劲好食，其他店舖拣松露通常都要加洗，呢间唔洗劲抵食。呢碗拣咗豆乳虾汤，鲜味唔过咸，虽有一层虾油浮面，但实际饮落都唔油腻。整体而且都唔错，会再黎试其他款式。