鳴橋燒肉料理 (已結業)

成日经过朗豪坊呢边，经过见到呢间日本小店，今日终于一试。入到去装修有旧日本风味，座位坐得几舒服。一入到餐厅店员就招呼好好，立即比放题纸我哋点菜。基本上呢度嘅放题应有尽有，刺身、肉类、熟食、甜品、饮品，多种选择。味噌汤几清甜，都唔错！仲叫咗啲刺身食，样样都好新鲜，放题质素几好！肉类叫咗羊架、牛肋肉、豚拖罗、一口蒜香肠。肉类几新鲜，肉质唔错！蒜香肠有台式风味。叫咗鸡软骨，烧鸡软骨就算叫一人份量都好多，但系真系好好食！烧到好香脆，又有咬口。炸虾天妇罗，新鲜炸起香脆！甜薯亦都几好味！海鲜类拣咗虎虾、帆立贝、多春鱼及小墨鱼。我钟意食虎虾，够大只爽口！多春鱼要烧耐少少先够香脆！