影片
更多
2023-01-15
4386 浏览
嚟旺角办完年货，顺便喺附近食埋饭先返屋企。喺快富街见到有间装潢优雅嘅新餐厅，以指譬教，以月比法，「指月」，名字甚有意思。细看门外餐牌，店舖主打牛腩粉面，另外亦有五香牛杂、饺子同椰菜花饭等供应，选择都几丰富，啱晒河车，今晚就一于喺呢度开餐。点咗清汤牛腩伊、无米炒饭、一碟煎饺子，另外再加咗几款小食。招牌萝卜清汤骟牯牛腩伊 ($62) 率先送上，餐厅标榜所有嘅食物都无落味精，先呷一口汤底，味道果然与众不同，浓郁得嚟好清，有层次感。牛腩选用了骟牯牛炮制，骟牯牛即系已阉割嘅牛，食落肉质好松化，够腍、入味又有肉香，萝卜亦清甜无渣，连伊面也恰如其份，弹牙烟韧，挂汤力强，以辣椒油、菜脯及酸萝卜伴吃，啖啖滋味。近年好兴食椰菜花饭，见到餐厅有呢款「瘦身恩物」供应，当然唔可以错过。选择贵精不贵多，只得 4 款，拣咗 XO 酱肉松虾仁无米炒饭 ($72)。 肉松微咸、虾仁爽弹，配上浓香惹味嘅 XO 酱、低卡高纤嘅椰菜花，再以清爽嘅梅渍车厘茄作点缀，口感超丰富。韭菜猪肉煎饺子 ($48) 接著上桌，底部煎得非常香口，热辣辣，焦焦脆脆，入面嘅馅料比例啱啱好，猪肉新鲜，韭菜辛香味浓，蘸自家制酱汁吃，非常惹味。小
嚟旺角办完年货，顺便喺附近食埋饭先返屋企。喺快富街见到有间装潢优雅嘅新餐厅，以指譬教，以月比法，「指月」，名字甚有意思。
细看门外餐牌，店舖主打牛腩粉面，另外亦有五香牛杂、饺子同椰菜花饭等供应，选择都几丰富，啱晒河车，今晚就一于喺呢度开餐。
点咗清汤牛腩伊、无米炒饭、一碟煎饺子，另外再加咗几款小食。
招牌萝卜清汤骟牯牛腩伊 ($62) 率先送上，餐厅标榜所有嘅食物都无落味精，先呷一口汤底，味道果然与众不同，浓郁得嚟好清，有层次感。
牛腩选用了骟牯牛炮制，骟牯牛即系已阉割嘅牛，食落肉质好松化，够腍、入味又有肉香，萝卜亦清甜无渣，连伊面也恰如其份，弹牙烟韧，挂汤力强，以辣椒油、菜脯及酸萝卜伴吃，啖啖滋味。
近年好兴食椰菜花饭，见到餐厅有呢款「瘦身恩物」供应，当然唔可以错过。选择贵精不贵多，只得 4 款，拣咗 XO 酱肉松虾仁无米炒饭 ($72)。
肉松微咸、虾仁爽弹，配上浓香惹味嘅 XO 酱、低卡高纤嘅椰菜花，再以清爽嘅梅渍车厘茄作点缀，口感超丰富。
韭菜猪肉煎饺子 ($48) 接著上桌，底部煎得非常香口，热辣辣，焦焦脆脆，入面嘅馅料比例啱啱好，猪肉新鲜，韭菜辛香味浓，蘸自家制酱汁吃，非常惹味。
小食方面，一口气点了 3 款，有黄金炸鱼皮 ($32)、干扁四季豆 ($32) 同 南乳炆猪手 ($25)。鱼皮炸得好松脆，配上浓郁嘅咸蛋黄香气，美味。
四季豆入味爽脆，炒得好够镬气，配埋咸香嘅猪肉碎，送饭一流。猪手用南乳炆至软腍，食落胶质好丰富，入味带酒香。
饮品点咗柠檬薏米水 同 山楂乌梅茶，薏米水加入了柠檬，入口酸酸甜甜，健康又养生。乌梅茶味道亦唔错，生津解渴，绝对系醒胃之选。
张贴
