Infinity Workshop Cafe (已結業)

第二次嚟呢度，估唔到食物质素更上一层楼，大大推介！蜜糖鸡翼好juicy，带甜甜既蜜味，劲正！德国肠拼野菌杂荟好特别，有唔同种类既菇菌，吸收左德国肠既肉香，调味方面，辣劲都几重，食落又香又辣好惹味！All day breakfast 份量十足，最爱滑滑既炒蛋。仲包左个细细既苹果酥。黑松露带子虎虾意粉望相就知几足料。难得意粉唔过淋，烟烟韧韧，有香浓既松露味，带子同虾煮到刚熟好鲜味，完美。肉碎番茄意粉相对普通少少，但番茄味浓郁到不得了，爱茄之人一定钟意。饱到撑都要食甜品，点左个心太软。由于坊间太多难食既心太软，亦知要做得好并唔易，冇抱太大期望。点知一试...amazing! 竟然系松脆既感觉，唔会死实似蛋糕，朱古力浆又唔会水水的，浓度刚好，雪糕用上Haagen daz出品...宜家谂返都想食...总括，食物份量大质素高，环境又靓啱哂倾计，一定一定会再嚟！