吞POT 雞煲火鍋.住家菜 (已結業)

上個星期同朋友食完雞煲，整體都覺得幾正，所以今個星期有帶屋企人嚟試吓火鍋，佢哋唔鍾意食得咁重口味🤪所以我就叫咗鴛鴦鍋，蕃茄濃湯拼鮮魚湯😝兩邊湯底都真材實料，鮮味十足。配料方面，當然唔少得牛肉，牛三郎一碟已經包咗三款靚牛，每款都好新鮮，由油花最多到瘦啲嘅部位都可以試到😆好滿足。魚肚亦都同魚湯好夾，好似海綿咁吸晒濃郁嘅魚湯😍好味。最後仲有鵝腸，都洗得幾乾淨，處理得好好😀食起來非常脆嫩。有陣時想食清淡啲，但係又想打邊爐嘅話依度都係一個好去處。