THE PONT (已結業)

朗豪坊有靓靓cafe🤗位于2楼非常方便，餐厅面积大装修新坐得好舒服，餐厅用电话落单，仲有得写备注，真系好方便！午市有套餐，拣个主菜配沙律或者汤，然后有饮品。烧澳洲肉眼扒配香草汁份量都好大啖啖肉，而且入面就系粉红色，都几香牛味。电话落单时已经可以拣定熟度，我拣medium rare咁就岩岩嫩滑。肉眼扒配薯条🍟薯条份量超多，一定够晒饱。明太子大虾意大利粉酱汁加左明太子所以咸咸香香，好多汁好好食！大虾有4/5只咬落去爽口，唔使自己剥壳好方便，面软系比较幼果种口感不错硬度适中有咬口。芒果热情果牛角窝芙 配雪糕外层脆卜卜热辣辣☺️上面啲忌廉系精粹❤️忌廉上面有百香果酱👏🏻雪糕有唔同口味，竟然有榴连😁好正呀变咗榴梿雪糕窝夫🧇百利甜酒鲜奶咖啡非常之推介✨唔系好多地方有，饮落去有少少酒香，但系又唔会太甜，同时带咖啡香。