部屋咖啡室

今次同朋友去咗旺角登打士街广场12楼的Homemade Cafe食午餐。餐厅的座位使用大梳化，坐得舒服，适合三五知己一齐来食吓嘢及吹吓水。我哋order咗一个二人套餐$388，再额外加咗一个芝士西兰花$48，餐厅要收加一服务费。炸蟹饼（二人套餐）热辣辣，外层香酥脆，内饀鲜甜嫩滑，再点埋个甜酸酱，真系好享受呢种口感!10吋手拉千岛夏威夷 Pizza （二人套餐）饼底薄身，十分松软，而且边边仲带有少少焦香，配料方面,佢地用咗新鲜丰甜嘅菠萝,加埋烟火腿，再加埋芝士，十分滋味。黑松露杂菇意大利饭（二人套餐）饭粒煮得软硬度恰到好处，香浓的黑松露，加埋忌廉，芝士及杂菇作为完美的配搭，令人难忘。芝士西兰花浓郁香滑嘅芝士酱汁完全包裹住嫩嫩脆脆嘅西兰花，十分爽口，令人喜爱。朱古力沙漠同小红帽两杯饮品跟套餐各加$23朱古力沙漠朱古力味浓郁，口感香滑好饮。小红帽有鲜甜的士多啤梨，仲有士多啤梨果蓉，系士多啤梨爱好者的圣品!