部屋咖啡室

有时候朋友仔问我，去旺角边度最好hea,最抵食。其实有不少楼上cafe都唔错，我去左部屋咖啡屋，同老公叫左个二人餐都够食。见到唔少年轻人都会在场玩桌游，增进友情。亦有知己好友，饮杯野倾下计，梳化位都多，叫餐时按钟仔就自然有店员帮到你，无咩事都唔会打扰你，所以都坐得好自在。香辣虎虾海鲜意粉虎虾大只，肉质爽口，已去肠，处理得好干净。仲有青口都新鲜。海鲜其实系蚬肉，份量适中，食落无沙，加上洋葱，茄酱，青椒，增加风味。辣度都算少辣，意粉拌著辣汁，很过瘾。至尊辣肉肠pizza饼底是薄批，有咬感，唔算好厚，两个人够食。肉酱，辣肉肠都够份量，青椒，蘑菇做衬托，热辣辣食既话，芝士都仲可以拉丝。热Latte 咖啡要加$8,我觉得一定要叫热饮，因为有拉花，所以我觉得值得叫。味道唔错，奶味重，如果有燕麦奶就好了。冻薄荷朱古力呢个同样都系要加$8,朱古力系偏甜，加上薄荷朱古力酱有冰凉感，所以叫正常冰，其实岩岩好。