Infinity Workshop Cafe (已結業)

星期一晚同朋友两个收工去食好野🤤，Infinity Workshop Cafe系旺角同油麻地交界，都好易揾 环境黎讲都够大坐得舒服嘅，行街攰都啱抖一抖。我地两个人叫左2个小食同2个主菜🍹🍕第一个主菜系明太子三文鱼意粉🍝，佢呢款系推荐菜， 味道我觉得唔错，烟三文鱼够香，同意粉软硬啱啱好白汁够绵密同滑，正评！第二个主菜叫左黑松露油炒带子虎虾意粉🍝，我好惊讶佢都原只虎虾上，虾肉新鲜唔肉会梅，带子有3大粒，不过面就比较干身小食我地叫左德国肠拼野菌杂荟 🍄🍄，不过不失嘅小菜，满足我地食好野又惊无蔬菜嘅心佢d菇都炒得弹牙！ 会愈食愈想食多D嘅仲有叫左个炸龙利柳伴薯条佢嘅份量好足呀，系主菜量，龙利柳炸嘅油温够炸到脆卜卜，又唔会吸得太多油，配薯条食够饱呀！！ 薯条系新鲜薯角咁，无落盐，可自行配黑椒食！饮品我地叫左杯红靴玩具兵🍹，个名好qq 其实系绿茶红豆，成杯野唔会太甜，都唔会太浓味抢左野食嘅香味，餐饮黎讲出色最后，我地share左一份朱古力脆脆蛋糕🍰，我觉得系喜出望外嘅，朱古力味浓唔甜，配脆脆佢似细滑版嘅美心魔鬼蛋糕