大排檔火鍋

营业中

休息中

今日约左朋友在旺角行街，晚饭时间经过呢间有几个鱼缸在门口位既小菜馆，我哋被生猛既海鲜吸引左，就决定入去医肚。店内环境光猛，墙上贴左好多小菜图片，图文并茂；除左小菜，仲可以食火锅，配料选择丰富。鲮鱼球杂菌汤：汤既配料好多，金菇、新鲜冬菇味道鲜甜，鲮鱼球爽口弹牙，汤头无添加味精，吸收晒配料既精华，上枱一刻，热腾腾既香气朴鼻而来。干鱿鱼炒芹菜莴笋：干鱿鱼爆炒后，散发著咸香味道，配上多种健康蔬菜，包括黑木耳、莲藕片、芹菜和莴荀，令整道菜非常惹味。咕噜炸鱼块：用左带鱼皮既石斑块，酥炸后鱼皮脆卜卜，鱼肉少骨，肉质鲜味，配甜酸酱汁、洋葱和三色椒，口感开胃。总结，食物好味，份量大，上菜速度快，港式大排档风味。