影片
更多
2024-04-06
2203 浏览
金凤大餐厅 （3/4/2024）今日同朋友系旺角行街睇戏，到食晚饭时间，旺角区真系好多食市，我朋友就介绍我去食西式大餐，这间餐厅叫做金凤大餐厅，位于太子荔枝角道102号金凤楼地舖，港铁太子站C2出口，行几分钟就到，非常方便。朋友话这间餐厅预计要等一阵位，真系我哋未行到去餐厅离远已经见到好多人系门口等紧，后生仔居多，攞飞后大约等咗20分钟就有枱比我哋。餐厅环境好似旧式经典扒房，有水吧、经典卡位，仲有红砖布置，有浓厚旧香港风味及怀旧港西式风格，座位坐得舒适，墙上仲挂上左唔少嘅之前报纸，报道都赞这间餐厅扒房好好食，而餐厅店员都好友善，态度好好，令人感到好舒服，因为有好多款扒可以选择，店员就好主动咁介绍俾我听，唔同肉类既特质，最后我就拣左美国德州顶级西冷餐，店员仲好细心推介拣5成熟。随餐附送餐汤、餐包同饮品，先来餐汤同餐包，员工超快手拿来最传统餐包，而个餐包暖暖地好松软，搽完啲牛油秒速咁溶哂，令人食得好满足，上完餐包嘅下一秒就上埋碗餐汤，餐汤可选罗宋汤或忌廉汤，我就选咗罗宋汤，罗宋汤非常足料，有非常多蔬菜、洋葱同少少肉粒。味道唔会话好辣，只不过有少少辣味，好足料而且味道同个餐包一齐食仲好正。美
今日同朋友系旺角行街睇戏，到食晚饭时间，旺角区真系好多食市，我朋友就介绍我去食西式大餐，这间餐厅叫做金凤大餐厅，位于太子荔枝角道102号金凤楼地舖，港铁太子站C2出口，行几分钟就到，非常方便。朋友话这间餐厅预计要等一阵位，真系我哋未行到去餐厅离远已经见到好多人系门口等紧，后生仔居多，攞飞后大约等咗20分钟就有枱比我哋。
餐厅环境好似旧式经典扒房，有水吧、经典卡位，仲有红砖布置，有浓厚旧香港风味及怀旧港西式风格，座位坐得舒适，墙上仲挂上左唔少嘅之前报纸，报道都赞这间餐厅扒房好好食，而餐厅店员都好友善，态度好好，令人感到好舒服，因为有好多款扒可以选择，店员就好主动咁介绍俾我听，唔同肉类既特质，最后我就拣左美国德州顶级西冷餐，店员仲好细心推介拣5成熟。
随餐附送餐汤、餐包同饮品，先来餐汤同餐包，员工超快手拿来最传统餐包，而个餐包暖暖地好松软，搽完啲牛油秒速咁溶哂，令人食得好满足，上完餐包嘅下一秒就上埋碗餐汤，餐汤可选罗宋汤或忌廉汤，我就选咗罗宋汤，罗宋汤非常足料，有非常多蔬菜、洋葱同少少肉粒。味道唔会话好辣，只不过有少少辣味，好足料而且味道同个餐包一齐食仲好正。
美式铁板扒餐上枱后，员工会问你想要咩汁，我就拣左黑椒汁，淋酱汁当下，酱汁与铁板融合产生嘅滋滋喳喳声伴随肉味香气，呼唤食客既开胃味道，员工更表示酱汁可以及后任加，等食客可以自由调整合适既口味，块西冷牛扒大大块，5成熟岩岩好，切开无血水，咬落牛肉优质鲜嫩，每一口都好有口感，牛肉带嚼劲，好好食，5成熟嘅熟度保留住啲肉汁，啲肉汁就慢慢倾出黎，令人嘴齿留香，每一口肉都食得好享受，而且美式扒餐牛扒系冇腌制过，牛味重一点，口感更加出众，配菜仲有翠玉瓜同薯条，好感满足。而饮品方面，我点咗经典港式饮品冻柠茶，饮嘅冻柠茶都好解渴，好夹食扒餐，清新怡人。
我朋友就选咗猪扒焗意粉，佢成日都来食扒餐，所以今次话想试食其他嘅食物，猪扒焗意粉都唔错，猪扒意粉份量够哂多超大碟，入面仲有洋葱同蕃茄，猪扒都非常大件，而且还十分嫩滑，最后配上浓浓嘅蕃茄汁意粉，味道令人非常开胃，啲意粉味道是旧式茶餐厅蕃茄意粉嘅味道，没有改变，味道唔错，意粉口感方面不淋不硬，好有水准。
这间传统老餐厅的食物质素很高，令人食得好滋味，又好抵食，价钱唔贵，好值得推荐俾大家去试一下。
张贴
