滾爺火鍋 (上海街)

营业中

休息中

今日约咗朋友去旺角上海街打边炉。我哋叫咗个套餐，叫做滚得饱二人餐$396。入边有一个鸳鸯锅，皮蛋芫荽汤底同埋沙嗲汤底。沙嗲汤底𠮶边有好多豆卜同埋大豆芽菜，味道比较浓郁啲，芫荽皮蛋汤底，就比较重芫荽味，皮蛋都算足料，味道就会比相对下清啲。套餐入边有海虾四只、花甲六只、西班牙无激素猪肉、手包韭菜饺四粒、鲜甜手打鲮鱼滑、山根同埋赞岐乌冬。由于套餐冇嘢饮，我哋额外添加咗两个椰青，再叫多个红薯粉。海虾同埋花甲都好新鲜，都好容易滚得熟。西班牙无激素猪颈肉，都算快熟嘅，熟咗之后会好白同埋容易吸收汤底味道。乌冬本身有两块，容易吸收汤汁放落沙嗲𠮶一个锅，觉得会咸咗啲，如果放喺芫荽皮蛋汤底，反而会几好味。手包韭菜饺四只，韭菜猪肉新鲜，放入火锅其实都几快熟，味道几好。鲜甜手打鲮鱼滑，新鲜同埋口感弹滑。最后，我哋都会觉得唔够，所以叫多咗个红薯粉，放入芫荽汤底几好食。