美滋鍋 (家樂坊)

营业中

休息中

今日去咗呢一间喺旺角嘅新加坡过江龙打边炉，餐厅有好多种唔同嘅套餐，而且出边有小食区自助，我同朋友就拣咗最平嘅餐，都有美国嘅牛肉，同埋海鲜。餐厅整体质素其实唔错，自助区除咗甜品之外都有好多唔同嘅小食包括有炸馒头，港式嘅小食，包括咖喱鱼蛋等等。亦都有凉拌嘅小菜钟意食呢啲嘅朋友都不妨攞少少试吓。牛肉嘅质素，都系普通餐厅牛肉嘅质素，我觉得正常，有几碟就有少少太肥，我觉得，整体嚟讲我觉得都可以，海鲜嚟讲就有海虾，嚟到嘅时候都仲系非常生猛，睇得出本身非常新鲜嘅材料。个人嚟讲非常钟意食佢嘅墨鱼滑，非常好食，而且非常爽口弹牙，充满墨鱼胶嘅味道，净系食呢个我都觉得抵食。另外海鲜仲有新鲜嘅沙白，每一只都非常鲜甜，整体口感上都唔错！钟意食海鲜嘅朋友，绝对唔可以错过呢一间餐厅，海鲜嘅质素我觉得非常高！唯一略嫌呢一个最平嘅套餐有少少CP值不是太抵，加一都要$300。不过冇所谓试吓。不过位置嚟讲都几好坐。