味火鍋 (華僑商業中心)

香港人就系无论春夏秋冬都会钟意打边炉，呢间喺旺角楼上嘅火锅店 一个价钱任饮任食 仲要唔限时，环境唔错 座位够哂阔落 人多重可以订房😋😋佢嘅火锅套餐都好丰富 有头盘可以选择，有芝士莎莎酱龙虾、黑松露焗蚝、鸡煲、或者酸菜鱼。虽然我有啲想食鸡煲，不过怕太多肉会好快饱，所以选择左龙虾😄之后就到打边炉环节，会有一个海鲜拼盘同埋安格斯牛肉拼盘，份量会按返人头数。火锅汤底仲可以双拼唔洗加钱 我哋就要咗海鲜喇沙同埋麻辣🌶️食物都好新鲜，海鲜款式好多，安格斯牛肉拼盘嘅牛肉味真系好浓🥩食完呢啲之后都仲有唔少火锅配料可以任点，个人觉得水饺🥟牛丸同埋香芋丸都唔错。