LAB10 (裝修中)

今日喺旺角附近做嘢，做完朋友约咗去朗豪坊食饭，再揾右揾见到有间韩国烧肉放题，就试一试。先讲讲环境，佢哋系韩式装修，白色为主调，够光猛，光线好足够，咁样食嘢可以睇清楚少少烧嘅嘢食粟米，而且感觉白色装修嘅餐厅清洁度要求会更加高。再讲讲食物方面：今次我哋点咗肉类为主，点咗牛肉、猪肉、鸡肉三款肉类为主。其中特别推介佢哋嘅鸡肉鸡肉我感觉食落去好似鸡柳咁滑嘟嘟，有鸡味。我个人都系比较钟意食白肉多个红肉。我另外都点咗一啲海鲜类，例如系蚬、鱿鱼、虾……而海鲜类别，我最推介嘅系蚬，主要因为佢哋风险大大粒又多肉，而且非常新鲜，我同朋友一至认为好好食！海鲜类别最好食系蚬，呢款系必点！最后讲埋佢哋出边吧枱嘅食物选择：有一啲必须有嘅蔬菜类，例如系粟米、菜、瓜类、矮瓜等等…配上一啲韩式嘅沙律同酱汁，附近仲会有甜品，例如系一啲炸物…选择都唔少，适合做前菜或者头盘打下底线，或者食得多烧肉途中或尾段可以食返少少吧枱上面嘅蔬菜类清清地中和返冇咁油腻。个人觉得店员嘅服务态度唔错，佢哋由一开始就耐心咁讲解同介绍套餐里便嘅食物同出面吧枱任食嘅食物时不时睇吓有冇需要帮我哋换碟、换炉等等…