蛋仔記雞蛋仔

营业中

休息中

每次见到有鸡蛋仔都会忍唔住好想买黎食，完全抗拒唔到，唔知系咪太耐冇去旺角，竟然见到有间新既鸡蛋仔，即刻要买黎试。依间鸡蛋仔都几多味简架，有咸有甜有麻糬系列，我自己都谂左好耐究竟简边好呢，最后简左抹茶麻糬。落完单之后大概等左10-15分钟就拎得啦，首先讲下佢个包装设计我好欣赏，好方便就咁拎住，仲有d洞可以唔惊焗住鸡蛋仔变冧，食起上黎又唔会好狼狈，仲可以打卡。味道方面，一咬系脆既，浓浓既抹茶味，每一粒都有麻糬，好足料，外脆内软，佢系个种咬落去好有实在感，唔系空气个只口感，食左一阵都系仲脆，不过个麻糬就会偏甜左少少，如果冇咁甜会更加好。我见到menu上有开心果格仔饼，期待有开心果鸡蛋仔既出现。