御石燒 (已結業)

放工约左朋友去旺角,旺角地铁站附近周围都好多人,所以决定行远少少去广华街食饭,经过御石烧,见到门面好日式又几新净,价钱又唔贵,决定入去试下。入到去铺面唔大,但唔会坐得好迫, 日系装修简洁。餐厅用QR code 落单,同朋友叫左一人一个set,叫左一个烧肉set,一个吉列猪排set share。御烧特级牛小排 $158牛小排份量都唔少,两边烧烧就食得,生熟可以自己控制,肉质嫩滑,都有牛味,唔错。另外要赞下店员细心,我地都无为意个炉冇火,但店员留意到主动过黎帮我地加。上级吉列猪排 $95吉列猪排卖相唔错,炸到金黄色,上枱时候热辣辣,咬落啖啖肉,唔会好柴,沾埋猪排酱汁几好食。