Sky726

呢日想帮朋友庆祝生日，所以就揾咗一间喺旺角弥敦道嘅西餐厅食lunch✨餐厅有超大嘅落地玻璃，可以睇哂成个旺角嘅景色，呢日天气好，蓝天白云咁超靓🌤️🌟是日餐汤：蕃茄汤🍅会话佢系我饮过数一数二好饮嘅蕃茄汤！🍅饮落系好杰身，好似将几十个蕃茄打成蓉咁🤣超浓郁！酸酸甜甜好开胃🫶🏻🌟烟三文鱼红菜头沙律🥗烟三文鱼有一大块，肥美而唔会觉得咸，红菜头一粒粒，食落几清甜🥰🌟香煎是日餐鱼伴百里香忌廉汁 $168有两大块煎鱼扒，鱼质较实，食落都冇腥味😌不过百里香忌廉汁比较少，食食吓感觉有点干😳另外配上薯蓉同杂菜，薯蓉都几滑～🌟美国特级安格斯25天熟成西冷扒(五安士)伴烧汁 $268西冷扒好厚，而且见到明显嘅烤网纹🤓我哋叫咗四成熟，可惜overcook得太严重，切开似八成熟多啲😂🥹但好彩咬落外层都几脆，好香炭烤味，肉质嫩滑而有肉味，如果冇咁熟就开心啲🥹🌟精选甜品甜品系芒果慕丝🥭餐厅好体贴咁准备咗生日装饰同蜡烛，啱哂朋友打卡🫶🏻🌟Latte (+$15)Latte比较淡味，味道正正常常～