辦館 (雅蘭中心) (已結業)

约左个好耐冇见既朋友，谂住同佢去办馆一路啤一路吹下水。点知铺头度话佢地系家乐坊附近搞紧万圣节活动，可以饮下少爷啤同食下脆面热狗。 谂住系旺角街头坐实好热喇，点知又唔系好热，仲有少少秋凉，感觉几舒服。 店主介绍左两只少爷啤比我地。红色个只系夏日么么啤，重麦味之余仲有一阵辣辣地既感觉，好有夏日阳光既刺热感觉。绿色个只系咸柠啤。啤如其名，系咸柠七既啤酒版。呢支啤酒比较啤酒味唔太重，少饮酒又想同班friend 去饮下野既就啱哂。饮得啤酒又点少得墨西哥脆片？有芝士酱同辣酱比你拣，想要咩口味都得。脆面热狗脆口得黎又饱肚，都系唔错既选择。 两支店主推介既少爷啤 办馆个档口好抢眼，好易就揾到