平民扒房@友蠔食 (已搬遷) 新店位置

今日系旺角烦恼紧食咩既时候，见到通菜街内有一间小店门口有人等候。于是就上前八下，原来系一间扒房。▫️是日推介生蚝：时令法国生蚝6只，只有午市才可以以优惠价order 6只，晚市必须要order 12只。法国生蚝虽然细细只，但系肉质十分饱满而且好鲜甜，带有淡淡嘅海水味，食落去既aftertaste 会停留口腔一阵时间。▫️主角既巴西肉眼配蒜蓉意粉，好惊喜肉眼居然系用热石上盘，佢地既热石系分开一半热一半冻,煎好左既牛可以放系涷石上，熟度全凭客人自己钟意，唔会变咗全熟 。另外店员好细心教我煎嘅timing，绝对唔怕手忙脚乱时 Overcook 左块牛,女仕都可以handle 到。不过蒜蓉意粉就略嫌干咗少少，但蒜香味十足。▫️烩龙虾忌廉意粉个意粉一啲都唔马虎，有半只细龙虾🦞系度，诚意之作，龙虾仔肉质弹牙而且啖啖肉。意粉上再加咗蟹子，估唔到同意粉一齐食系会咁夹，意粉索晒啲忌廉汁再加埋蟹子一齐食，真系超级满足。▫️菠萝特饮&杂莓特饮，啱晒我呢啲不嗜太甜嘅人，味道清新，唔会好似其他梳打咁有啲药水味。