鳳雛燉雞

营业中

休息中

凤雏炖鸡系我第一次同朋友去首尔一落机就食嘅点，所以有一种亲切感，当年喺首尔食嘅时候真系觉得好大盆，食极都食唔完，同埋小辣都几辣，食到我饮咗好多水，几年前佢嚟到香港，我几乎每一年都会帮衬一至两次，疫情期间呢间店我都惊佢挨唔住，因为真系好少人，好彩今次上嚟见到坐满晒，都有一种安慰嘅感觉。🫶🏻今次上嚟食之前又系睇吓网上餐牌，有冇啲新菜，见到多咗只猪手炖鸡，但系我觉得两个人应该食唔晒，所以都系嗌咗普通版嘅凤雏炖鸡，😆然后加咗鱼糕同一碗白饭，两个人食啱啱好，我觉得蔬菜方面就份量少咗，因为依稀记得以前食啲薯仔同萝卜系食唔晒，反而今次就薯粉多咗，味道依旧好浓郁，鸡件香嫩，份量都唔少，我强烈推荐大家食，呢个一定要配白饭，因为唔配白饭会太浓味，佢嘅小菜我推荐麻油芽菜，我加咗两次，系清爽之选👍🏻！埋单老板问我哋觉得味道如何😀我哋觉得佢都几有心，所以坦白同佢讲我觉得份量方面蔬菜真系少咗㖞，佢话咁我即刻同厨房提醒一下啦，都算系一个几有心嘅老板，希望挨过疫情都要挨过呢段经济差嘅时刻，下次上嚟会有多啲嘅新菜式啦☺️而家小店越嚟越难做，下下都系集团式🥹