吞POT 雞煲火鍋.住家菜

营业中

休息中

冬天黎到，加上同朋友都好中意打边炉、食鸡煲，成日都四围揾下呢类餐厅食😂😂 呢晚同朋友黎到旺角食吞pot。同好多鸡煲店一样，佢地都有几款鸡煲提供，好似辣酒花螺鸡煲、香辣鸡煲、重庆鸡煲等等。我同朋友都中意食辣，所以我地嗌左个小辣既重庆鸡煲(朋友中意食辣但系唔系几食得辣)😋呢个鸡煲非常惹味，好少「鞋潺潺」既感觉。辣味又恰到好处。唯一既遗憾系我地净系嗌左半只鸡，食到非常唔够喉！下次会嗌番一只鸡！食完鸡煲之后我地加汤打边炉。我地嗌左个顶级安格斯牛小扒、蟹子墨鱼滑、牛柏叶同埋娃娃菜。几款野食都非常好食，特别系墨鱼滑。另外值得一提既系，吞pot提供左好多酱汁选择。好多鸡煲都冇酱汁拣，但佢地既酱汁同日式火锅店都有得fight。