銀津點心茶餐廳

营业中

休息中

是日友人和我都一同放假，而友人又好中意饮茶，听同事说这间茶餐厅的点心又平又好食，所以就去试试。餐厅在旺角先达对面，位置都易揾!我们大概11点几去到，未算很多人，12点临走前就开始多打工仔黎食啦!餐厅有卡位亦有普通枱，我们安排坐卡位，不会很迫，坐得舒适。点餐只需自行于点餐纸上写好便可给予店员帮忙落单。金蒜鲜虾春卷($25)，春卷应该是即叫即制，上枱时还是热辣辣，外皮炸得很脆，内里虾肉弹牙!蜜汁叉烧肠($22)，肠粉唔会好厚，叉烧馅料都几多，所以食落啖啖肉!山竹牛肉球($20)，一笼有3粒，跟出面酒楼的一样，有腐皮在底，牛肉球唔会蒸到好淋，牛肉球入面还有爽口的粉葛，很有口感!名酱蒸凤爪($20)，凤爪份量不少，都蒸得几淋，而且还有些芋头一起蒸，味道惹味!酱皇金钱肚($28)，金钱肚唔会好韧，可以咬得开的，味道亦刚刚好！竹炭流沙包($23)，系茶仔可以食到呢款系酒楼卖得好贵既流沙包，而且真系有奶黄流沙，真系好正，仲要个包好软熟！上汤鱼翅罐汤饺($32)，呢到既罐汤饺比得上酒楼，饺子馅料很多，净系虾仁都已经有几粒，而且爽口，加埋醋一齐食，味道更鲜！川弓百芷炖鱼头汤($48)，呢个炖汤真材实料，