皇冠冰室 (已結業)

朝早8:30到左旺角，谂住去食开间茶记食个早餐，点知原来未开门。行前几条街见到皇冠冰室，门面好光猛，望落几干净，仲有新鲜面包，一于入去食个靓早餐。室内真系几干净㖞，赞呀！而且都8成满，估唔到咁好生意。我想落单既时候，侍应系佢个位大声问我食咩，我唔惯要叫出来落 order，所以唯有等佢行过来至讲。我见到佢地对其他客人都系咁，有D人都系好远咁叫出来。我点左菠萝油加热奶茶，成惠$27，价格合理。热奶茶几滑，可惜唔够热，扣左分。一个靓早餐，系一日开始忙碌工作的强心针，pumped up！下次系旺角食早餐，会谂起佢。