民華餐廳

营业中

休息中

茶餐厅系香港饮食文化嘅一大特色，今次同朋友嚟到旺角嘅民华餐厅，大部份食客都似系街坊，真系零舍有亲切感。我嗌咗$46嘅滋味常餐，身为番茄控嘅我，拣咗鲜茄叉烧通粉。叉烧索晒番茄汤，酸酸甜甜咁，真系一个唔错嘅配搭👍🏻 而且叉烧又够腍，唔会硬掘掘咁。常餐仲配有火腿炒蛋同烘牛油多士，侍应姨姨上菜时好贴心咁提醒：「个多士要热食先好食㗎！」呢种服务态度喺一般茶餐厅已经好难见到，值得一赞！而我朋友就叫咗一个咖哩牛腩汤河，佢话牛腩炆得几松软，唔会痴牙，同埋好入味！朋友收到风话呢啲嘅西多士好出名，话想叫一份share食，当甜品😂😂，真系饱到顶晒胃！劲满足！下次如果有机会再嚟，会想试吓煲仔饭😁